Fevralın 12-də şəhid Ülvü Məmmədovun xatirəsinə həsr olunmuş şahmatın blits növü üzrə beynəlxalq “Zəfər” kuboku turniri start götürüb.

LEQAL.AZ azərtac-a istinadən xəbər verir ki, Bakı Şəhər Gənclər və İdman Baş İdarəsi (BŞGİBİ), Quba Gənclər və İdman İdarəsi, Azərbaycan İdman Jurnalistləri Federasiyasının (AİJF) təşkilatçılığı, Azərbaycan Şahmat Federasiyasının dəstəyi ilə keçirilən turnirdə Azərbaycan, Türkiyə, İran və Gürcüstandan 100-ə yaxın şahmatçı iştirak edir.

Onlayn turnir 9 turdan ibarət olacaq.

Qeyd edək ki, Vətən müharibəsində qəhrəmancasına şəhid olmuş Ülvü Məmmədov "Vətən uğrunda" və "Cəbrayılın azad olunmasına görə" medalları ilə təltif olunub.