“ABŞ İranın elektrik stansiyalarına hücum edərsə, Hörmüz boğazını tamamilə bağlayacağıq”. 

“Leqal”  “Tasnim”ə istinadən xəbər verir ki, bu barədə İran Silahlı Qüvvələrinin “Xatəm əl-Ənbiya” Mərkəzi Qərargahının sözçüsü İbrahim Zülfüqari bəyan edib. 

“ABŞ-nin İranın elektrik stansiyalarına qarşı təhdidlərini həyata keçirməsi halında dərhal aşağıdakı cəza tədbirləri görüləcək: Hörmüz boğazı tamamilə bağlanacaq və dağıdılmış elektrik stansiyaları bərpa olunmayana qədər açılmayacaq. İsrailin bütün elektrik stansiyaları, enerji infrastrukturu və informasiya texnologiyaları geniş hücumlara məruz qalacaq”, - bəyanatda deyilir.