Rusiya Federasiyasının Xarici İşlər Nazirliyinin başçısı Sergey Lavrov bildirib ki, Rusiya tezliklə düşmən ölkələrin siyahısını təqdim edəcək.

LEQAL.AZ “report”a istinadən xəbər verir ki, Rusiyanın xarici siyasət idarəsinin rəhbərinin sözlərinə görə, buna az vaxt qalıb.

"Mən düşünürəm ki, (siyahı-red) tezliklə (açıqlanacaq-red). Hökumətə konkret tapşırıqlar verilib, bizim bu işdə rəhbər tutduğumuz meyarlar aydındır. Ona görə də, düşünürəm ki, gözləmək üçün az vaxt qalıb", - Lavrov deyib.

Daha əvvəl Xarici İşlər Nazirliyinin rəsmi nümayəndəsi Mariya Zaxarova da bildirib ki, Rusiyaya düşmən dövlətlərin siyahısı hazırlanır. Bu siyahıya Birləşmiş Ştatlarin adının daxil olması dəqiqdir.

Adları siyahıya salınmış düşmən ölkələrə Rusiya vətəndaşlarını diplomatik nümayəndəlikdə işə götürmək qadağan ediləcək.

Qeyd edək ki, aprelin 23-də Rusiya prezidenti Vladimir Putin xarici ölkələrin düşmənçilik hərəkətlərinə qarşı tədbirlərinin tətbiqi barədə fərman imzalayıb.