İ.Ö. (16) adlı yeniyetmə atası Özcan Özer (40) adlı şəxsi mübahisədən sonra ov tüfəngi ilə vuraraq öldürüb.
 
Leqal.az Türkiyə mətbuatına istinadən xəbər verir ki, hadisə Türkiyənin Konya bölgəsində baş verib.
 
Belə ki, Özcan Özer və oğlu İ.Ö. arasında naməlum səbəbdən mübahisə yaranıb. Mübahisə zamanı İ.Ö ov tüfəngi ilə atası Özərə atəş açıb.
 
Bədəninin müxtəlif yerlərindən yaralanan Özcan Özer qanlar içində yerə yıxılıb. Ailə üzvlərinin xəbəri üzərinə polis və təcili yardım qrupları hadisə yerinə sövq edilib.
 
Özer təcili yardım qruplarının müdaxiləsinə baxmayaraq həyatını itirib./Azxeber.com