Son 1 həftə ərzində  Ukrayna Prezidenti Volodimir Zelenskiyə ən azı üç dəfə sui-qəsd cəhdi olub.

Bu barədə “The Times” xəbər verir.

Qeyd olunur ki, Ukrayna prezidentinə sui-qəsd etmək üçün iki müxtəlif qrup - kremlyönümlü “Vaqner” qruplaşmasının muzdluları və çeçen xüsusi təyinatlıları göndərilib. Lakin sui-qəsd cəhdlərinin qarşısı müharibəyə qarşı çıxan Rusiya Federal Təhlükəsizlik Bürosunun agentləri sayəsində alınıb.

“Vaqner”çilər hesab edirdilər ki, Kiyevə hücum etmək Təhlükəsizlik Xidmətinin diqqətini yayındıracaq və bu, onların missiyasını başa çatdırmağa imkan verəcək.

Ukrayna təhlükəsizlik xidmətinin məlumatlı olması sayəsində “Vaqner”in muzdlularının cəhdi uğursuz olub, hücumun qarşısı alınıb. Bildirilir ki, əməliyyat zamanı itkilər verən “Vaqner”çilər ukraynalıların onları nə qədər dəqiq izləyə bilmələrindən narahat olublar. Oxu.az

Zelenskiyə qarşı növbəti sui-qəsdin qarşısı fevralın 26-da alınıb. Ukrayna təhlükəsizlik qüvvələri bir qrup çeçen muzdlunu prezidentə çatmamış məhv edib.

"LEQAL.AZ"