Konfransda Ümummilli Lider Heydər Əliyevin Azərbaycanda memarlıq ənənələrinin qorunması, şəhərsalma siyasətinin inkişafı, tarixi-mədəni abidələrin bərpası və müasir infrastrukturun formalaşdırılması istiqamətində həyata keçirdiyi mühüm tədbirlərdən bəhs olunub.

Çıxış edən natiqlər Ulu Öndərin memarlıq və şəhərsalma sahəsində müəyyənləşdirdiyi strateji yanaşmanın müasir dövrdə də aktuallığını qoruduğunu vurğulayıblar.

Tədbir çərçivəsində Azərbaycan memarlığı və şəhərsalma irsinə həsr olunmuş sənədli film nümayiş etdirilib, həmçinin mövzuya dair kitab sərgisinə baxış keçirilib. İştirakçılar sərgidə nümayiş olunan nəşrlərlə yaxından tanış olub, memarlıq irsinin qorunmasının əhəmiyyəti barədə fikir mübadiləsi aparıblar.