İğdır valiliyi və Gənclər və İdman İdarəsi tərəfindən “Azərbaycan, yanındayıq!” şüarı ilə Ağrı dağının zirvəsinə yürüş keçirilib.

Türkiyə Cümhuriyyətinin yaranmasının 97-ci ildönümünə və Azərbaycanın ərazi bütövlüyünün bərpası uğrunda mübarizəyə həsr olunan yürüşdə vali və İğdır bələdiyyəsinin sədri Engin Sarıibrahim, Türkiyə Silahlı Qüvvələrinin beşinci sahə komandanı, polkovnik Yılmaz Doğan, İğdırın baş prokuroru Oğuz Şükrü Enər, Jandarma komandanı Mustafa Özdurhan, Polis İdarəsinin rəisi Hüseyn Göllücə və digər rəsmi şəxslər olmaqla, yerli ictimaiyyətin tanınmış nümayəndələri yürüşdə iştirak ediblər.

LEQAL.AZ Azərtac-a istinadən xəbər verir ki, Azərbaycan Dostluq Dərnəkləri Federasiyası (TADDF) sədr müavini, görkəmli publisist Sərdar Ünsalın yürüş Ağrı dağının Metor çökəkliyindən başlanıb. Ağrının 2100 metr yüksəkliyinə 6,5 kilometr yol qət edən yürüşçülər “Bir millət, iki dövlət”,

“Qarabağ Azərbaycandır!”, “Azərbaycan səninləyik!”, “Var olsun Türkiyə-Azərbaycan qardaşlığı!”, “Cümhuriyyətimiz əbədidir!” kimi şüarlar səsləndiriblər.

Yürüşçülərin iştirakı ilə Korhan yaylağında müzəffər Azərbaycan Ordusunun qələbə əzmli döyüş rəşadətlərinə dəstək məqsədilə tank və toplardan yaylım atəşləri açılıb.