Martın 7-si "Motivasiya əldə etməyin yolları" mövzusunda seminar keçirildi.
 
Azərbaycan İdman Könüllülərindən LEQAL.AZ-a verilən məlumata görə, Layfkouç və Motivasiya təlimçisi Günay Hüseynli çıxışında motivasiya, onun faydası, gündəlik həyatda tətbiqi haqqında ətraflı məlumat verdi. Motivasiyanın insanların daxili potensiallarını üzə çıxarmağına və inkişaf etdirməyinə, həmçinin özünə inamın formalaşmasına kömək etdiyini bildirdi.
 
İştirakçılarla mənfi və müsbət düşüncə haqqında müzakirələr aparıldı. Təlimçi sağlam qidalanmanın və idmanın enerjimizə müsbət təsirindən danışdı.
 
Seminar könüllülər tərəfindən böyük maraqla qarşılandı.