“Region Liqası”nda Masallı rayonunu təmsil edən “Ərkivan” futbol klubu ilk qələbəsini qazanıb.

Çempionatda ilk qarşılaşmasını oktyabrın 31-də Qaradağ rayonunun “Qobustan” komandası ilə keçirən komandamız rəqibini 3:2 hesabı ilə məğlubiyyətə uğradıb.

Masallı şəhər mərkəzi stadionundakı oyun öncəsi şəhidlərimizin xatirəsi bir dəqiqəlik sükutla yad olunub.

Görüşün 16-cı dəqiqəsində 16 yaşlı futbolçumuz Bilal Əliyevin vurduğu qol ilk hissənin taleyini həll edib.

İkinci yarımhissədə də Masallı idmançıları üstünlüyü əldən verməyiblər. 52-ci dəqiqədə Nicat Babayev, 69-cu dəqiqədə isə “Ərkivan” FK-nin kapitanı Asəf Həşimov rəqib qapısına yol tapıb – 3:0.

Qarşı tərəf isə matçın son dəqiqələrində iki dəfə 11 metrlik cərimə zərbəsindən yararlanmağı bacarıb – 3:2.   

Bizimlə əlaqə saxlayın

 
Akif AĞAYEV,
MASALLI.