Dünən Masazırda törədilən qətllə bağlı yeni faktlar məlum olub. 

Leqal.az Lent.az-a istinadən xəbər verir ki, Masazır qəsəbəsi “Yeni Masazır” yaşayış kompleksindəki evlərdən birində qeydə alınıb. 

Orada yaşayan, 1993-cü il təvəllüdlü Nazilə Nazir qızı Əliyeva həyat yoldaşı, 1993-cü il təvəllüdlü Ayxan Əhliman oğlu Hacızadəni bıçaqlayaraq öldürüb. 

Qətli törədən Nazilə Əliyeva tutulub.

Onların 4 azyaşlı övladının olduğu bildirilir.

Faktla bağlı cinayət işi açılıb, araşdırma aparılır.

***

3 dekabr, saat 18:41

Abşeronda arvad ərini öldürüb.

Lent.az xəbər verir ki, hadisə rayonun Masazır qəsəbəsində qeydə alınıb.

Qəsəbə ərazisindəki evlərdən birində arvad ərini bıçaqlayıb.

Yaralı xəstəxanaya çatdırılsa da, onun həyatını xilas etmək mümkün olmayıb.

Daxili İşlər Nazirliyi mətbuat xidmətinin əməkdaşı polis leytenantı Elbrus İbrahimov Lent.az-a bildirib ki, qətli törətməkdə şübhəli bilinən şəxs saxlanılıb.