Böyük Britaniyanın Baş naziri Boris Conson Rusiya və Ukrayna arasında hərbi əməliyyatların dayandırılmasına çağırış etmək üçün videomüraciət ünvanlayıb.

“Leqal.az” xəbər verir ki, videomüraciət Boris Consonun rəsmi tviter hesabında paylaşılıb. O, çıxışı zamanı hər iki ölkəyə öz dillərində, yəni həm rus, həm də Ukrayna dilində səslənib. 

“İnanmıram ki, bu müharibə sizin adınızdandır”, - deyə Conson rus dilində deyib.

Bunun ardınca, Baş nazir nitqini Ukrayna dilində davam etdirib: “Çünki dünyaya azad və suveren Ukrayna lazımdır”. 

Conson öz videomüraciətində qeyd edib ki, davam edən hərbi əməliyyat həm Ukrayna, həm də Rusiya üçün faciədir. Onun sözlərinə görə, Rusiya Prezidenti Vladimir Putinin hərəkətləri Rusiyanın tam olaraq təcridinə gətirib çıxarıb.


Qafqazinfo