Döyüş, əsgərim, döyüş
 
Torpaq yanıb kül olmasın,
Vətən gülləri solmasın.
Əlin-qolun yorulmasın,
Döyüş, əsgərim, döyüş.
 
Şuşanın gəlmir sədası,
Laçının qandır yarası.
Yurdumun aslan balası,
Döyüş, əsgərim, döyüş.
 
Tükənib səbrim, dözüm də,
Qaynayır qəzəb gözümdə.
Gəlirəm kömək özüm də,
Döyüş, əsgərim, döyüş.
 
Mən yanında, sən də öndə,
Əziz balam, bu dar gündə
Çökdür düşməni önündə
Döyüş, əsgərim, döyüş.
 
Cavanşir  DAŞQIN.

LEQAL.AZ