Masallı Rayon İcra Hakimiyyəti başçısının tapşırığına uyğun olaraq rayon ərazisində şəhidlər, şəhid ailələri, müharibə əlilləri və iştirakçıları daim diqqətdə saxlanılır, onların qayğıları ilə mütəmadi maraqlanılmaqla yaranmış çətinliklərin aradan qaldırılması istiqamətində mühim adımlar atılır.
Belə ki, 2025-ci ilin 01-15 sentyabr tarixlərində Masallı Rayon İcra Hakimiyyəti başçısının tapşırığı ilə Masallı şəhər, Ərkivan, Miyanku, Güllütəpə, Xıl, Qızılavar, Mahmudavar, Səmədxanlı, Tüklə, Güllütəpə, Təzə Alvadı, Qarğalıq, Böyük Kolatan, Bədəlan, Həsənli, Qarğalıq, Xırmandalı, Təklə, Qodman, Çaxırlı, Banbaşı, Sərçuvar, Viləş, Təzəkənd, Yeddioymaq, Şıxlar, Yeyənkənd, Şərəfə və Lürən ərazilərində şəhid məzarları ziyarət edilmiş, şəhid ailələrinin sosial-məişət şəraitinin yaxşılaşdırılması məqsədilə görüşlər keçirilmiş və onların problemləri dinlənərək həlli istiqamətində zəruri tədbirlər görülmüşdür.
