Yanvar-avqust aylarında Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu tərəfindən 813 min şəxsə sosial müavinət və təqaüd ödənilib.
Nazirliyin İctimaiyyətlə əlaqələr şöbəsindən LEQAL.AZ-a verilən məlumata görə, onlardan 446 mini sosial müavinətlə, 367 mini Prezidentin aylıq təqaüdü ilə təmin olunub.
Həmin dövrdə əhaliyə sosial müavinətlər üzrə ötən ilin müvafiq dövrünə nisbətən 35 faiz çox olmaqla 532 milyon manat, Prezident təqaüdləri üzrə 28 faiz çox olmaqla 354 milyon manat ödənilib.
Bu ilin 8 ayında 168,5 min müavinət və təqaüd təyinatı e-sistem üzərindən proaktiv qaydada həyata keçirilib.
