Xeyriyəçi əməlləri ilə tanınan Mübariz Mənsimovun büstü hazırlanıb.

Büstü gənc heykəltəraş Akşin Balayev ərsəyə gətirib. 

Akşin Balayev bir sıra əsərləri ilə seçilən gənc rəssamlardan biridir.

Akşinin "Leqal"a verdiyi məlumata görə, əsəri sevərək hazırladığını deyir.

9 uşaqlı bir ailənin üzvü olan Mübariz Mənsimov 1968-ci il 22 mart tarixində Azərbaycanın paytaxtı Bakıda dünyaya gəlib. Valideynləri əslən Masallı rayonundandırlar.

Uşaqlıq illərində çox nadinc olan Mənsimov hərbçi babasının təkidi ilə Bakıda hərbi məktəbə qəbul olur.

Burada təhsil aldıqdan sonra universitetə daxil olur və Sovet ordusunun kəşfiyyatında müxtəlif vəzifələrdən sonra 1985-ci ildə təyinatı Almaniyaya göndərilir.

O gündən bəri ciddi iş rejiminə başlayan milyarder gündən günə böyütdüyü Palmali qrupunu 1998-ci ildə Türkiyəyə köçürür.

Qeyd edək ki, Palmali bu gün dünyanın ən böyük beş dənizçilik şirkətindən biridir.