LEQAL.AZ oxu.az-a istinadən xəbər verir ki, Hadrutun erməni işğalından azad olunması zamanı ermənilərin qoyub qaçdıqları iki yaşlı şəxsi onlara geri vermək təklif olunsa da, qarşı tərəf bunu qəbul etmir.
Bunu bu gün Azərbaycan Respublikasında akkreditə olunmuş xarici hərbi attaşelərə və beynəlxalq təşkilatların (BMT, Aİ, BQXK) ölkəmizdəki nümayəndələri üçün keçirilən brifinqdə Azərbaycan Respublikası Prezidentinin köməkçisi, Prezident Aparatının Xarici siyasət məsələləri şöbəsinin müdiri Hikmət Hacıyev bildirib.
Sözügedən şəxslər, Hadrut sakinləri - 1935-ci il təvəllüdlü Babayan Yevqeniya Pavlovna və 1935-ci il təvəlüdlü Melkumyan Mişa Merlandoviç hazırda Azərbaycanda saxlanılırlar saxlanma şəraitlərindən razıdırlar.
