Ermənistanın Baş naziri Nikol Paşinyan Azərbaycanın təyyarəsinin qəzası ilə bağlı başsağlığı verib.
Paşinyan bu barədə “X” hesabında paylaşım edib.
“Bakı-Qroznı reysi ilə uçan təyyarənin qəzası nəticəsində həlak olanların ailələrinə başsağlığı diləyirəm. Belə bir faciə kədərə səbəb olmaya bilməz”, – Ermənistanın Baş naziri qeyd edib.
Xatırladaq ki, Aktau şəhəri yaxınlığında AZAL-a məxsus Bakı-Qroznı reysini yerinə yetirən təyyarə qəzaya uğrayıb. Təyyarədə ekipaj üzvləri də daxil olmaqla 67 nəfər olub. İlkin məlumata görə, 28 nəfər sağ çıxıb.
