Mersində keçiriləcək Avropa çempionatında Azərbaycanı 10 idman gimnastı təmsil edəcək

Mersində keçiriləcək Avropa çempionatında Azərbaycanı 10 idman gimnastı təmsil edəcək
  • İdman / Dünya

  • Dekabrın 9-dan 13-dək Türkiyənin Mersin şəhərində kişi idman gimnastları arasında 34-cü Avropa çempionatı keçiriləcək.

    LEQAL.AZ xəbər verir ki, yarış iki – böyüklər və yeniyetmələr yaş kateqoriyası üzrə təşkil olunacaq.

    Çempionatda böyüklərin yarışında ölkəmizi Murad Ağarzayev, Sərvər Əliyev, Cavidan Babayev, Ağamurad Qəhrəmanov və İvan Tixonov təmsil edəcəklər. Yeniyetmələrin mübarizəsində isə Anar Həsənov, Rəsul Əhmədzadə, Səməd Məmmədli, Mənsum Səfərov və Ramin Dəmirov medallar uğrunda yarışacaqlar.

    Çempionatda Olimpiya Oyunlarının qalibləri ilə yanaşı, qitə və dünya çempionatının mükafatçıları mübarizə aparacaqlar.

    Qeyd edək ki, Avropa çempionatında 19 ölkədən 120-dən artıq gimnast birincilik uğrunda gücünü sınayacaq.
    PAYLAŞ:

    Oxşar xəbərlər