Portuqaliya millisinin və “Mançester Yunayted”in hücumçusu Kriştiano Ronaldo İngiltərə Premyer Liqasındakı ilk mövsümündən sonra tətilə İspaniyanın Malyorka şəhərinə gedib.

Leqal.Az xarici KİV-ə istinadən xəbər verir ki, yığmanın baş məşqçisi Fernando Santosdan xüsusi icazə alaraq millinin olduğu məkanı daha tez tərk edən  37 yaşlı futbolçu ailəsi ilə təxminən 5,5 milyon funt-sterlinq dəyərində olan dəbdəbəli Azimut Grande yaxtasında istirahət edir.

Qeyd olunur ki, ümumilikdə yaxtada beş rahat kabin və altı müxtəlif vanna otağı var. Gəmidə mətbəx, iki istirahət otağı, geniş qonaq otağı və yemək otağı var. Həmçinin yaxtada soyunub-geyinmə otağı, soyuducu və əyləncə zonası mövcuddur. Yaxtada Ronaldonun istifadə etdiyi xüsusi trenajor velosipedinin olması diqqət çəkir.



qafqazinfo