![Tovuzda maşın Kürə aşdı: 3 nəfər suda batdı](/uploads/posts/2024-06/1717393605_1717393588027.png)
Tovuz rayonunda içində 4 nəfər olan VAZ-2107 markalı avtomobil Kür çayına düşüb.
Leqal.az xəbər verir ki, avtomobilin içində olan 1989-cu il təvəllüdlü Tural Quliyev, 1991-ci il təvəllüdlü Vüqar Cəfərov və 1988-ci il təvəllüdlü Elxan Sadıqov çayda batıb. Onların arasında olan 1992-ci il təvəllüdlü Turqut İbrahimov isə sudan çıxa bilib.
Digərlərinin axtarışı davam etdirilir.
Faktla bağlı araşdırma aparılır.
***
Fövqəladə Hallar Nazirliyinin (FHN) "112" qaynar telefon xəttinə Tovuz rayonun Hunanlar kəndi ərazisində içərisində 3 nəfər olan avtomobilin Kür çayına düşməsi barədə məlumat daxil olub.
Nazirlikdən bildirilib ki, məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.