Çinin şimal-şərqindəki Heyloncian vilayətində qarlı və şaxtalı hava şəraiti səbəbindən hava limanlarının fəaliyyəti və avtomobil magistrallarında hərəkət dayandırılıb.
LEQAL.AZ azərtac-a istinadən xəbər verir ki, meteorologiya bürosu hava şəraiti ilə əlaqədar ən yüksək səviyyədə xəbərdarlıq elan edib, habelə fövqəladə hazırlıq dərəcəsini qaldırıb. Harbin və Mudancian şəhərlərində 17 santimetr hündürlüyündə qar yağıb. Harbin şəhərindəki uşaq bağçalarının və orta məktəblərin fəaliyyəti dayandırılıb.
