Rusiyanın Ukraynaya təcavüzünün beşinci ayı keçdiyi bir vaxtda prezident Vladimir Putinin uduzacağı təqdirdə ölkədən qaçacağına dair fikirlər səslənib.

Rusiyada “Telegram” kanalından yayılan və Kremldəki mənbələrə əsaslanan iddia beynəlxalq ictimaiyyətin gündəminə çevrilib.

İddiaya görə, Donbasda hücumlar dayandırılıb, Xersonun Ukrayna ordusunun əlinə keçməsi ehtimalı artıb və Qərbin tətbiq etdiyi sanksiyalar nəticəsində iqtisadiyyatda çətin vəziyyət yaranıb. Putinin yaranmış vəziyyətdən narahat olduğu bildirilir.

Putinin mümkün marşrutunda Türkiyə detalı diqqət çəkib. Xəbərə görə, Putin özü və ətrafı üçün Rusiyadan təxliyə planları hazırlayır. Putin və qohumları ölkəni tərk etsələr, ən yaxın dost dövlət hesab edilən Suriyaya sığınacaqları irəli sürülüb.

Rusiyadan Suriyaya edilən istənilən uçuşun NATO ölkəsi olan Türkiyədən keçməli olacağına da diqqət çəkilib.

Kremldəki mənbələr Türkiyə və İranın Putinlə balanslaşdırılmış münasibət saxlamasının sövdələşmə baxımından faydalı olacağını irəli sürüblər./Teleqraf.com