Bu gün 44 günlük Vətən Müharibəsi şəhidi Adil İbrahimlinin doğum günüdür.

Adil Asəm oğlu İbrahimli 9 sentyabr 1992-ci ildə Sumqayıt şəhərində anadan olub.

XTQ-nin baş leytenantı Adil İbrahimli 2020-ci il sentyabrın 27-də başlanan Vətən müharibəsi zamanı Murovdağ döyüşlərində, həmçinin Cəbrayılın, Füzulinin, Xocavəndin və Şuşanın azadlığı uğrunda gedən döyüşlərdə savaşıb. Noyabrın 7-də Şuşanın azad edilməsi zamanı şəhidlik zirvəsinə ucalıb.

II Fəxri Xiyabanda dəfn olunub. Ailəli idi, 2 övladı yadigar qalıb.

Döyüşlərdə göstərdiyi qəhrəmanlığa görə ölümüdən sonra:

“Vətən Müharibəsi Qəhrəmanı”;
“Vətən Uğrunda”;
“Kəlbəcərin azad olunmasına görə”;
“Xocavəndin azad olunmasına görə”;
“Şuşanın azad olunmasına görə”;

“Cəbrayılın azad olunmasına görə” medalları ilə təltif olunub.

Adının əbədiləşdirilməsi məqsədilə doğma 14 nömrəli məktəbə Vətən Müharibəsi Qəhrəmanı Adil İbrahimlinin adı verilib.