İlk növbədə, Zəngəzur dəhlizinin açılması Azərbaycanın Naxçıvanla birbaşa quru əlaqəsini təmin edəcək. Naxçıvan uzun illərdir blokada şəraitində yaşayır. Bu yol fəaliyyətə başlasa, Naxçıvanla əlaqə asanlaşacaq, insanların gediş-gəlişi sürətlənəcək, iqtisadi ticarət canlanacaq.Digər tərəfdən, dəhliz Türkiyə ilə birbaşa quru yolunu açacaq. Bu, Azərbaycan və Türkiyə arasındakı qardaşlıq münasibətlərini daha da gücləndirəcək. Ən önəmlisi isə türk dövlətləri arasında əlaqələr möhkəmlənəcək, ortaq iqtisadi, siyasi və mədəni layihələr üçün geniş imkan yaranacaq.

 Zəngəzur dəhlizi həm də beynəlxalq nəqliyyat şəbəkəsinin vacib hissəsi olacaq. “Orta Dəhliz” adlanan bu böyük layihə Avropanı Asiya ilə birləşdirir. Malların daşınması daha sürətli, daha sərfəli və daha təhlükəsiz şəkildə həyata keçiriləcək. Azərbaycan artıq enerji, logistika və kommunikasiya sahəsində regionun aparıcı ölkəsinə çevrilib. Zəngəzur dəhlizi bu mövqeni daha da möhkəmləndirəcək.

 Bununla yanaşı, təhlükəsizlik məsələsi xüsusi diqqət tələb edir. Bu dəhlizdən milyonlarla insan və minlərlə ton yük istifadə edəcək. Ona görə də sərnişinlərin və yüklərin təhlükəsizliyi tam təmin olunmalıdır. Təhlükəsiz dəhliz həm Azərbaycanın, həm də region dövlətlərinin maraqlarına uyğundur.

Zəngəzur dəhlizinin işə düşməsi Cənubi Qafqazda yeni əməkdaşlıq mərhələsinin başlanğıcı ola bilər. Bu yol gərginlik və qarşıdurma yox, əksinə sülh və inkişaf gətirəcək. Azərbaycan dəfələrlə bəyan edib ki, dəhlizdən həm özü, həm də qonşu ölkələr faydalanacaq.Zəngəzur dəhlizi fəaliyyətə başlamalı və təhlükəsizliyi tam təmin olunmalıdır. Bu layihə Azərbaycanın strateji mövqeyini gücləndirəcək, türk dünyasını birləşdirəcək, region dövlətlərinə iqtisadi fayda verəcək və beynəlxalq əməkdaşlığı möhkəmləndirəcək. Ən əsası isə bu yol bölgədə sülhün, əməkdaşlığın və inkişafın simvoluna çevriləcək.