Azərbaycan və Türkmənistan biri – birinə dost və qardaş ölkələrdir. Ölkələrimizi də biri – birinə birləşdirən elə qədim adət və ənənələrimizdir, dəyərlərdir. Həmin tarixi anlar bu gün də, hər iki müstəqil ölkələrin timsalında aydın görünür. Elə bu günlərdə, yəni avqustun 22-də Azərbaycan Prezidenti İlham Əliyevin Türkmənistana səfəri və səfər zamanı keçirilən görüşlər, aparılan müzakirələr münasibətlərin daha da ardıcıl inkişafına müsbət təsirini göstərir. Yeri düşmüşkən qeyd edim ki, iyul ayındaTürkmənistan Xalq Məsləhətinin sədri Qurbanqulu Berdiməhəmmədovun Azərbaycana səfəriolmuşdur. Müvəffəqiyyətlə başa şatan rəsmi səfər çərçivəsində Azərbaycan Prezidenti İlham Əliyev və Türkmənistan Xalq Məsləhətinin sədri Qurbanqulu Berdiməhəmmədov aktual müzakirələr aparmaqla bərabər, bir sıra tədbirlərin həyata keçirilməsinə nail olublar. Ən maraqlısı budur ki, Türkmənistan Xalq Məsləhətinin sədri Qurbanqulu Berdiməhəmmədovun işğaldan azad olunmuş Qarabağla tanışlığı oldu.  Azərbaycan Prezidenti İlham Əliyevin Türkmənistana bu günlərdəki tarixi səfəri isə qarşılıqlı əlaqələrimizi daha da gücləndirir, iki qardaş ölkə arasında yeni töhfələr verir.

Möhtərəm Prezidentimiz İlham Əliyevin Türkmənistan Xalq Məsləhətinin sədri Qurbanqulu Berdiməhəmmədovla təkbətək və geniş tərkibdə keçirdiyi görüşlər, Azərbaycan, Türkmənistan və Özbəkistan arasında yüksək səviyyəli görüşün keçirilməsi, liderlərin iştirakı ilə sənədlərin imzalanması və mətbuata bəyanatlarla çıxışları çox mühüm hadisədir. Prezident İlham Əliyev çıxışında bildirdi ki, bu gün imzalanan sənədlər arasında Arxadağla Füzuli şəhərlərinin qardaşlaşma sənədi də var. Bu, əslində, bizim qardaşlığımızın rəmzidir. Türkmən və Azərbaycan xalqları əsrlər boyu bir ailə kimi, qardaşlar kimi yaşayıb-yaratmışlar. Bu gün iki müstəqil dövlət bu ənənələrə sadiqdir, bu ənənələri yaşadır və yeni üfüqlərə doğru birgə addımlayır... Bu, sözdə yox, əməldə dostluqdur, qardaşlıqdır. Bizim üçün ən vacib, ən çətin məsələlərdə həmişə qardaşlarımız yanımızda olub. Bu gün də bu belədir. Bu gün artıq burada səsləndi, bu, tarixi görüşdür, tarixi sammitdir, tarixi Zirvə görüşüdür. Bunun təşəbbüskarı qardaşım Qurbanqulu Məlikquliyeviçə bir daha təşəkkürümü bildirmək istəyirəm.
Müzakirə olunan məsələlər burada artıq qeyd olundu, onları təkrar etmək istəmirəm. Amma bir şeyi deyə bilərəm, artıq müvafiq dövlət qurumlarına göstərişlər verildi ki, üçtərəfli əməkdaşlıq formatı yaradılsın və bizim növbəti görüşümüzə konkret istiqamətlər üzrə təkliflər verilsin. Bütün göstərişlər verildi. Yenə də deyirəm, burada səslənmişdi - nəqliyyat, tranzit, logistika, elektroenergetika, neft, qaz sahələri və mədəni əlaqələr. Qaldı ki, bütün bu göstərişlərin vaxtında yerinə yetirilməsinə, mənim buna da şübhəm yoxdur.

-Həmkarlarımın fikrinə qoşularaq sözümün sonunda bir daha demək istəyirəm ki, bu, tarixi bir gündür. Bizim bölgəmizdə yeni, çox perspektivli, sülhə və tərəfdaşlığa yönəlmiş əməkdaşlıq formatı yaradılır. Necə deyərlər, xeyirli, uğurlu olsun, - deyə Azərbaycan Prezidenti nitqini yekunlaşdırıb.
Bir sözlə, Azərbaycan Prezidenti İlham Əliyevin Türkmənistana tarixi səfəri zamanı imzalanan sənədlər iki ölkə arasında strateji tərəfdaşlığın daha da möhkəmlənməsinə və inkişafına kömək edəcək.




Seyfəddin ƏLİYEV,
Yeni Azərbaycan Partiyası Masallı Rayon Təşkilatının sədri.