Ulu  Öndər  Heydər  Əliyevin  müdrik  kəlamları  onun  bu  millətə  bəxş  etdiyi  ən  dəyərli  mirasdır.  Hansı  ki,  bu  tarixə  qızıl  hərflərlə  düşəsi  kəlamları  Azərbaycanın  bu  gününə  və  sabahına  işıq  tutur,  bizə  dövləti  və  onun  siyasətini,  təhsil  və  mədəniyyətimizi  daha  yaxşı  öyrədir.  Heydər  Əliyevin  çoxsahəli  fəaliyyətinin  və  dövlətçilik  təfəkkürünün  inkişafında  tarixə  düşəsi  müdrik  kəlamlar  təkcə  Azərbaycanda  deyil,  bütün  dünyada  sevilə-sevilə  öyrənilir.  Dövlətçiliyin  bütün  sahələrində  söylədiyi  sitatlardan  çox  cüzi  bir  hissəsini  təqdim  edirik.  
    
Ordu  bir  xalqın  qürur  mənbəyidir.  Güclü  orduya  sahib  olmaq  üçün  bütün  gücümüzlə  çalışmalıyıq.
    
“Sülh  danışıqlarını  cəsarətlə  apara  bilmək  üçün  güclü  orduya  sahib  olmaq  lazımdır”  kəlamı  Heydər  Əliyevin  həyat  devizinə  çevrilmişdir. Hakimiyyətə  gəldiyi  ilk  gündən  Azərbaycanda  ordu  quruculuğuna  böyük  diqqət  yetirmişdir.  Hələ  Sovetlər  Birliyində  dahiyənə  uzaqgörənliklə  Bakıda  Naxçıvanski  adına  Hərbi Məktəb  açmışdır.  Bu  məktəbin  yetirmələri  Qarabağ  uğrunda  gedən  döyüşlərdə  müstəsna  igidlik  və  qəhrəmanlıq  nümunələri  göstərmişlər.
    
“Biz  Azərbaycan  ordusunun  dünyanın  ən güclü  ordularından  birinə  çevrilməliyik  və  çevirəcəyik”.  Güclü  ordumuz  II  Qarabağ  müharibəsində  öz  gücünü  bütün  dünyaya  göstərə  bildi.  Əzəli  torpaqlarımız  Ana  Vətənimizə  qovuşdu.  Bu  tarix  boyu  qazandığımız  ən  böyük  nəaliyyətlərimizdən  biri  olmuşdur. Bu  böyük  tarixi  qələbəmizin  təməli  Heydər  Əliyev   tərfindən  qoyulmuş  güclü  ordumuzun  misilsiz  qəhrəmanlığı  sayəsində  mümkün  oldu.  Ulu  öndər  dahiyanə  şəkildə  belə  demişdir: 
           
“Böyük  siyasəti  kiçik  hislərə,  xırda  mənfəətlərə bağlamaq  olmaz.  Həqiqi  mənəviyyatı  milyonlarla, milyardlarla  almaq  mümkün  deyildir.  Amma  milyonları,  milyardları  olan  adamlar  cəmiyyətdə  mənəviyyatsız   heç  bir  şeydir”. 
     
Tarix  həmişə  hər  şeyi  öz  yerinə  qoyur.  Əgər  hər  hansı  ölkənin  xalqı  hüquqlarını  saxlayır  və  onu  qoruya  bilirsə,  o  zaman  ən  kiçik  dövlətlər  belə  ən  böyük  dövlətlər  qədər  güclü  olur. 
    
Ədalətsizliklə  ədaləti  bərpa  etmək  olmaz.  Ağıl  olan  yerdə zora  ehtiyac  yoxdur.  Müstəqilliyin  əldə  olunması  nə  qədər  çətindirsə,  onun  saxlanılması,  daim əbədi  olması  bundan da  çətindir. 
             
Vətənpərvərlik  insanın  daxilindəki  duyğulardır.  Əgər  bunlar  yoxdursa,  o   insan  mənəviyyatsızdır.  Xalqın,  vətənin  taleyi  hər  bir  insanın  taleyinə  çevrilməlidir. Dövlət  iki  şeydən  sarsılır”  Cinayətkar  cəzasız  qalanda,  günahı  olmayan  cəzalananda”.
    
Bu  kəlamlar  Heydər  Əliyev  məktəbidir.  Hər  birimiz  gələcəyimiz  üçün  bu  məktəbdən  faydalanmağa  borcluyuq.   




Ağamalı Bayramov, 
Təzə  Alvadı  kənd E.Əhədov adına 1 saylı tam orta məktəbin tarix müəllimi