Azərbaycan xalqı öz müstəqilliyini, milli azadlığını qoruyub saxlamalıdır. Bunun üçün də Azərbaycanın güclü ordusu olmalıdır. Bu, həm işğal olunmuş torpaqlarımızı düşməndən təmizləmək, həm də gələcəkdə müstəqil Azərbaycanın etibarlı müdafiəsini təmin etmək üçün gərəkdir. Ona görə də orduya diqqət və qayğı göstərmək hər bir vətəndaşın şərəfli borcu olmalıdır. 
           
Ordu  bir  xalqın  qürur  mənbəyidir.  Güclü  orduya  sahib  olmaq  üçün  bütün  gücümüzlə  çalışmalıyıq. “Sülh  danışıqlarını  cəsarətlə  apara  bilmək  üçün  güclü  orduya  sahib  olmaq  lazımdır”  kəlamı  Heydər  Əliyevin  həyat  devizinə  çevrilmişdir . Ulu öndər hər zaman ordu ilə bağlı danışarkən qeyd etmişdir ki, Hərbi peşə,  zabitlik peşəsi, Vətəni müdafiə işi müqəddəsdir. Hər bir müstəqil dövlətin ordusu dövlətin əsas atributlarından biridir. Biz müstəqil dövlətik. Müstəqil dövlətin özünəməxsus qüdrəti olmalıdır. Bu qüdrətin əsasını xalq və onun bir hissəsi olan ordu təşkil edir. Bu gün biz cəsarətlə deyə bilərik ki, Azərbaycanın güclü Silahlı Qüvvələri var, Azərbaycanın qəhrəman Milli Ordusu var, Azərbaycanın dəyərli generalları, zabitləri var, Azərbaycanın mətin, qəhrəman, hazırlıq keçmiş əsgərləri var . Ordu olmalıdır, ona görə yox ki, biz hansısa bir dövlətə hücum etmək, kiminsə torpağını zəbt etmək istəyirik. Yox.

Biz sülhsevər dövlətik. Biz heç kəsin torpağına göz dikməmişik. Biz öz torpaqlarımızı azad etmək, ölkəmizin ərazi bütövlüyünü, sərhədlərimizin toxunulmazlığını təmin etmək istəyirik. Azərbaycan xalqının ali məqsədi bundan ibarətdir. Azərbaycan dövlətinin apardığı siyasət, əməli fəaliyyət bundan ibarətdir. Bunun üçün və gələcəkdə dövlət müstəqilliyimizi qoruyub saxlamaq üçün güclü ordumuz olmalıdır. Bu, bizim müqəddəs vəzifəmizdir, hər bir kəsin şərəfli vəzifəsidir.  Ordunun qüdrətini, onun döyüş qabiliyyətini, qələbə iradəsini təşkil edən döyüşçülərin vətənpərvərlik hissidir. Hər bir əsgər, zabit, döyüşçü vətənpərvərlik hissini, Vətənə, torpağa, müstəqil dövlətimizə, xalqımıza sədaqət hissini hər şeydən üstün tutmalıdır. Məhz bu keyfiyyətləri özündə cəmləşdirən, əks etdirən Azərbaycan Ordusunun döyüşçüsü ordumuzu möhkəmləndirə bilər və hər an qələbəyə nail ola bilər”, “Möhkəm, daimi sülh üçün müstəqil dövlətin güclü ordusu olmalıdır .  Mən əminəm ki, bizim ordumuz bu gün Azərbaycanın müstəqilliyinə, suverenliyinə, ərazi bütövlüyünə qarşı yönəldilmiş hər hansı bir qəsdə layiqli cavab verməyə hazırdır. Orduda xidmət etmək hər bir azərbaycanlının şərəfli borcudur. Orduda xidmət edən, əsgərlik borcunu yerinə yetirən gənclər xalqımızın, cəmiyyətimizin içərisində hörmətli, dəyərli insanlardır. Həyatını bu şərəfli peşəyə - ölkəni, Vətəni qorumaq peşəsinə həsr edən zabitlər, hərbçilər Azərbaycan xalqının daim hörmət və ehtiramını qazanacaqlar.  
           
Ulu öndər hakimiyyətə  gəldiyi  ilk  gündən  Azərbaycanda  ordu  quruculuğuna  böyük  diqqət  yetirmişdir.  Hələ  Sovetlər  Birliyində  dahiyənə  uzaqgörənliklə  Bakıda  Naxçıvanski  adına  Hərbi Məktəb  açmışdır.  Bu  məktəbin  yetirmələri  Qarabağ  uğrunda  gedən  döyüşlərdə  müstəsna  igidlik  və  qəhrəmanlıq  nümunələri  göstərmişlər.
    
Biz  Azərbaycan  ordusunun  dünyanın  ən güclü  ordularından  birinə  çevrilməliyik  və  çevirəcəyik.  Güclü  ordumuz  II  Qarabağ  müharibəsində  öz  gücünü  bütün  dünyaya  göstərə  bildi.  Əzəli  torpaqlarımız  Ana  Vətənimizə  qovuşdu.  Bu  tarix  boyu  qazandığımız  ən  böyük  nəaliyyətlərimizdən  biri  olmuşdur. Bu  böyük  tarixi  qələbəmizin  təməli  Heydər  Əliyev   tərfindən  qoyulmuş  güclü  ordumuzun  misilsiz  qəhrəmanlığı  sayəsində  mümkün  oldu.  Ulu  öndər  dahiyanə  şəkildə  belə  demişdir: 



Ceyhun Hüseynov,
Masallı MRX İƏ söbəsinin mütəxəssisi