Ermənistan parlamenti oktyabrın 27-də keçirilən iclas zamanı Cinayət Məcəlləsində müharibə dövründə bəzi hərəkətlərə görə daha sərt cəzaların verilməsini nəzərdə tutan qanun dəyişikliyini təsdiq edib.

LEQAL.AZ  axar.az-a istinadən xəbər verir ki, dəyişikliyə əsasən, xüsusilə müharibə dövründə hərbi xidmətdən, təlim düşərgələrindən və səfərbərlikdən yayınanlar 4 ildən 8 ilə deyil, 6 ildən 12 ilə kimi azadlıqdan məhrum ediləcəklər.

Qanun layihəsini hazırlayan Müdafiə nazirinin müavini Qabriel Balayanın sözlərinə görə, bu qanun layihəsinin qəbulu vətəndaşların bu cür hərəkətlərdən çəkinmələri üçün nəzərdə tutulub.

Balayan bildirib ki, artıq bu maddələrlə cinayət işi qaldırılmış şəxslər var.