Norveçin “Equinor” (keçmiş Statoil) neft-qaz şirkəti Rusiyada birgə müəssisələrdən çıxmaq və ölkəyə yeni investisiyaların dayandırılması haqqında qərar qəbul edib.

“Leqal.az” xəbər verir ki, bu barədə şirkətin bəyanatında deyilir.

““Equinox”un Direktorlar Şurası Rusiyaya investisiyaların dayandırılması barədə qərar qəbul etdi və “Equinor”un iştirakı ilə Rusiyada birgə müəssisələrdən çıxmaq prosesinə başladı”, - bəyanatda qeyd olunur.

Bildirilir ki, belə bir qərar Rusiyanın Ukraynadakı hərbi əməliyyatları səbəbindən qəbul edilib.

Qeyd edək ki, “Equinor” Rusiyada 30 ildən çoxdur çalışır.