![Azərbaycanın U-21 millisi daha bir yoxlama görüşü keçirəcək](/uploads/posts/2024-05/1715791096_1715791043822.png)
21 yaşadək futbolçulardan ibarət Azərbaycan milli komandasının yoldaşlıq oyununda daha bir rəqibi müəyyənləşib.
Leqal.az AFFA-nın rəsmi saytına istinadən xəbər verir ki, U-21 iyunun 11-də "Liv Bona Dea Arena"da Bolqarıstanın müvafiq yaş qrupundan ibarət komandası ilə qarşılaşacaq. Görüş saat 20:00-da başlayacaq.
Qeyd edək ki, U-21 millimiz iyunun 7-də, Bakı vaxtı ilə saat 20:30-da Senec şəhərində yerləşən Təlim-Məşq Mərkəzində Slovakiya yığması ilə yoldaşlıq görüşü keçirəcək.