Rusiya prezidenti Vladimir Putinin bu dəqiqələrdə keçirdiyi “Birbaşa xətt”in aparıcılarından biri azərbaycanlıdır.
LEQAL.AZ-ın məlumatına görə, Putinin xalqla təmasını “Rossiya” telekanalının aparıcısı Nailə Əsgərzadə və “Birinci kanal”ın əməkdaşı Yekaterina Berezovskaya qurur.
Nailə Əsgərzadə 13 dekabr 1987-ci ildə Bakıda anadan olub. Volqoqradda fransız liseyini bitirib. Daha sonra Volqoqrad Dövlət Universitetini və Moskvada Beynəlxalq Münasibətlər İnstitutunda təhsil alıb.
Onun atası Vaqif Əsgərzadə ixtisasca mühəndis-geofizik olub. Amma sonradan bizneslə məşğul olmağa başlayıb.
Əsgərzadə əvvəlcə NTV, sonradan isə RBK kanalında çalışıb.
lent.az
