Tokioda 2021-ci ildə təşkil ediləcək Olimpiya Oyunlarının açılış və bağlanış mərasimlərinin koronavirus pandemiyası səbəbindən sadələşdirilmiş formatda keçirilməsinə qərar verilib.
LEQAL.AZ xəbər verir ki, bu barədə “Tokio-2020” Təşkilat Komitəsinin rəsmi saytında məlumat verilib.
Məlumatda qeyd edilib ki, mərasimlər idmançılar və tamaşaçılar üçün gözəl bir bayram olaraq qalacaq.
Tədbirlərin beş nəfərdən ibarət yeni yaradıcı qrup tərəfindən təşkil ediləcəyi, əvvəlki tərkibdən yalnız bir nəfərin - Xiroşi Sasakinin qalacağı bildirib.
Tokio Olimpiadasının 2020-ci ilin yayında keçirilməsi planlaşdırılmışdı və koronavirus pandemiyası səbəbindən bir il təxirə salınıb. Oyunların açılış mərasimi 2021-ci il iyulun 23-də, bağlanış mərasimi isə avqustun 8-də baş tutmalıdır.
