Rusiyanın Sankt-Peterburq şəhərində iki sərnişini doğrayan azərbaycanlı taksi sürücüsü Voronejdə yaxalanıb.

"Leqal"  xəbər verir ki, Lent.az-ın Rusiya KİV-ə istinadla məlumatına görə, həmin sərnişinlərdən biri sonradan ölüb. Hadisədən dərhal sonra idarə etdiyi “Hyundai Solyaris” markalı maşınla şəhəri tərk edən 27 yaşlı azərbaycanlı Cabbar Atakişiyev Voronejə üz tutub. Amma barəsində axtarış verildiyindən tezliklə ələ keçirilib.

İlkin ekspertiza zamanı məlum olub ki, taksi sürücüsü sərnişinlərdən birinə 17 bıçaq zərbəsi vurub.

Məlumata əsasən, digər sərnişinin də vəziyyəti həddən artıq ağırdır və o, reanimasiyaya yerləşdirilib.