Azərbaycan  prezidenti  İlham  Əliyev  və  Türkiyə  prezidenti   Rəcəb  Tayyib Ərdoğan  arasında 2021-ci  il  iyunun  15 –də Şuşada imzalanan Bəyannamə  ilə iki qardaş  ölkə  arasında tarixi  münasibətlərin  yeni  mərhələsinin  əsasını  qoydu. Şuşa Bəyannaməsi müttəfiqlik münasibətlərinin  geostrateji əhəmiyyətin  artırır, qardaşlığın yeni  tarixi  mərhələsidir. Azərbaycan Respublikası ilə  Türkiyə Respublikası  arasında müttəfiqlik münasibətləri haqqında Şuşa Bəyannaməsinin imzalanması ölkəmiz  arasında münasibətlərin bütün  müstəvilərdə davamlı  inkişafını təmin  edəcəkdir. Bu  tarixi  sənəd ölkələrimiz arasında müttəfiqlik əlaqələri , siyasət, beynəlxalq  müstəvidə birgə  əməkdaşlıq , iqtisadiyyat, enerji  təhlükəsizliyi , ordu quruculuğu və  digər  strateji sahələri  əhatə  edir.

Şuşa  Bəyannaməsi  əhatəli  sülhə yol  açır, inteqrasiya proseslərini stimullaşdırır. Bəyannamədə xalqlarımızın böyük  liderləri Mustafa Kamal  Atatürkün və  Heydər  Əliyevin kəlamları  öz  əksini  tapıb. 20-ci  əsrin  əvvəllərində Atatürk  demişdir ki, Azərbaycanın  “Sevinci sevincimiz, kədəri  kədərimiz”dir. 20-ci  əsrin  sonlarında isə  Heydər  Əliyev bu  gün də  dillər əzbəri  olan  “Bir  millət  , iki dövlət “ kəlamı  ilə bu dostluğun və  qardaşlığın nə  qədər  önəmli  olduğunun  göstəricisidir. Müdafiə  sahəsində  əməkdaşlıq, hərbi  yardım  məsələlərinin  bəyannamədə  əks  olunması tarixi  nailiyyətdir. Ölkələrimiz  bundan sonra  da bir-birinin  təhlükəsizliyini təmin  edəcəkdir. Müdafiə  sənayesi  sahəsində  əlaqələri,  inkişafı ölkələrimizin  hərbi  qüdrətini  artıracaqdır.  Şuşa Bəyannaməsi  imzalanarkən  Azərbaycan  Respublikasının prezidenti  İlham  Əliyev  bu  sənədin  tarixi  əhəmiyyətini vurğulayarkən  demişdir: tarixi “Qars  müqaviləsi” düz  yüz  il  bundan  əvvəl imzalanıb  və bu müqavilə böyük  rəmzi  məna  daşıyır. Yüz  ildən  sonra  azad edilmiş  Şuşada  müttəfiqlik  müqaviləsini imzalanması  bizim  gələcəkdə iş  birliyimizin  istiqamətini  göstərir. Bəyannamədə  bir  çox  önəmli  məsələlər  öz  əksini  tapıb. Bəyannamə  Ermənistandakı  revanşist  qüvvələrə  də çox  mühüm  ismarıc  verir. Şuşa  Bəyannaməsi ilə Türkiyə  açıq  şəkildə  Azərbaycanın  ərazi  bütövlüyünü pozulması ,  dövlət  sərhədlərinə  təhdid  kimi  halların baş verməsi halında ordu  ilə  ölkəmizin yanında yer  alacağını  beynəlxalq  ictimaiyyətin diqqətinə  çatdırmışdır. 
           
“Bəyannamənin ən mühüm müddəalarından biri də xaricdə yaşayan türk və Azərbaycan icmaları arasında informasiya mübadiləsini artırmaq və diplomatik səyləri birləşdirməkdir. Beynəlxalq aləmdə daha səmərəli fəaliyyət göstərmək istiqamətində media platforması və diaspor sferasında birgə, qarşılıqlı əlaqələrin genişləndirilməsinə zərurət yaranıb. Məhz bu istiqamətdə gələcəkdə genişmiqyaslı işlər aparılması üçün vacib olan aşağıdakı məsələlər bəyannamədə öz əksini tapıb. Bu müddəalar iki ildir ki çox yüksək səviyyədə həyata keçirilir və Azərbaycan –Türkiyə qardaşlığını dünyaya çatdıran ən mühüm mesaj olaraq qəbul edilir.
    
Yaşasın Türkiyə - Azərbaycan  qardaşlığı!  


               
Natiq Fərəcov,
Həsənli kənd sakini