Yerevanda Baqramyan prospektində baş vermiş qəza nəticəsində erməni jurnalist və bir sıra mahnıların müəllifi 35 yaşlı Sosi Xanikyan ölüb.

Bu barədə erməni KİV-ləri məlumat yayıb.

Onu tibb mərkəzinə çatdırsalar da, həyatını xilas etmək mümkün olmayıb.

Xatırladaq ki, Xanikyan baş nazir Nikol Paşinyanın istefasını tələb edənlər sırasında idi. Dünən o, müxalifətin etiraz aksiyasında iştirak edib və evə qayıdarkən qəzada ölüb.

Sosi Xanikyan uzun illər İctimai TV-də redaktor və ssenarist kimi çalışıb, bir sıra mahnıların sözlərinin, o cümlədən erməni müğənni Sevak Xanaqyanın səsləndirdiyi "Artsax" mahnısının müəllifidir. Qarabağ müharibəsi günlərində və müxalifətin mitinqlərində bu mahnı tez-tez səsləndirilirdi.

Hadisə ilə bağlı cinayət işi açılıb. Qəzanın səbəbləri araşdırılır.