Azərbaycan ordusunun əsgəri vəfat edib.

LEQAL.AZ qafqazinfo-ya istinadən xəbər verir ki, hərbçi Mətin Xankişiyevin N saylı hərbi hissədə səhhəti pisləşib. Tibb personalının səylərinə baxmayaraq, əsgərin həyatını xilas etmək mümkün olmayıb.

Hazırda M.Xankişiyevin nəşi dəfn olunması üçün doğulduğu Şirvan şəhərinə gətirilir.

Müdafiə Naziriliyi əsgərin vəfat xəbərini təsdiqləyib.

Bildirilib ki, həqiqi hərbi xidmət hərbi qulluqçu əsgər Xankişiyev Mətin İsrəfil oğlu “tənəffüs yollarının mədə möhtəviyyatı ilə tutulması nəticəsində mexaniki asfiksiya səbəbindən” vəfat edib.

Müdafiə Nazirliyinin rəhbərliyi vəfat edən hərbi qulluqçumuzun ailəsinə və yaxınlarına dərin hüznlə başsağlığı verib.

Allah rəhmət eləsin!