Əfqanıstandan keçməklə Pakistanla Özbəkistan arasında yeni dəhliz – Transəfqanıstan dəmir yolu dəhlizi yaradılır.
azərtac Özbəkistan mətbuatına istinadla xəbər verir ki, Pakistanın Baş naziri İmran Xan dəhlizin tikinti layihəsini təsdiq edib. Beynəlxalq maliyyə institutlarının bu layihəyə 4,8 milyard dollar dəyərində vəsait ayırması planlaşdırılır.
Pakistanın nəqliyyat naziri Azam Xan Svat bildirib ki, yeni dəmir yolu xətti ilə hər iki istiqamətə sərnişin və yük daşınmaları nəzərdə tutulur.
