İranın hərbi müşaviri Milad Beydi iyulun 30-da İsrailin Beyruta endirdiyi aviazərbə nəticəsində həlak olub.
Bu barədə SNN telekanalı məlumat yayıb.
“İranın hərbi müşavirlərindən biri olan Milad Beydi İsrailin Beyruta endirdiyi aviazərbə nəticəsində öldürülüb. Beydinin cəsədi bir neçə saat əvvəl tanınıb. O, Hizbullahın hərbi lideri Fuad Şokrla yanaşı yaşayırmış”, - deyə bildirilib.
Qeyd edək ki, 30 iyulda İsrail Hərbi Hava Qüvvələri Livanın paytaxtı Beyrutda Hizbullah hədəflərinə zərbələr endirdiyini, qruplaşmanın komandirlərinin məhv edildiyini açıqlamışdı.
