"İran nüvə silahına çıxış əldə edərsə, bütün dünya onun girovuna çevriləcək".

Bunu İsrailin baş naziri Benyamin Netanyahu deyib.

“İranın nüvə silahı əldə etməsinə mane olmasaq, özümüzü başqa bir reallıqda görəcəyik. Bütün dünya bizi məhv etmək istəyən bir tərəfin girovuna çevriləcək”, - İsrailin baş naziri çərşənbə axşamı özünün “Twitter” səhifəsində bildirib.

Netanyahu əlavə edib ki, məhz bu səbəbdən İranın nüvə silahı əldə etməsinin qarşısını almaq İsrail üçün əsas vəzifədir.