22 iyul – Milli Mətbuat Günü münasibətilə Yeni Azərbaycan Partiyası Qaradağ rayon təşkilatının təşkilatçılığı ilə tədbir keçirilib. Lökbatan qəsəbəsindəki Heydər Əliyev Mərkəzində baş tutan tədbirdə YAP Qaradağ rayon təşkilatının sədri Qafar Əliyev, Qaradağ rayon Heydər Əliyev mərkəzinin direktoru Çərkəz Əliyeva, Qaradağ rayon Gənclər və İdman İdarəsinin rəisi Elçin Abbasov və bir sıra media qurumlarında çalışan jurnalistlər iştirak ediblər.

Əvvəl Azərbaycan Respublikasının Dövlət Himni səsləndirilib və Ümummilli Liderin əziz xatirəsi bir dəqiqəlik sükutla yad edilib.

Daha sonra Milli Mətbuat Günü ilə bağlı videoçarx nümayiş olunub.

Öz növbəsində, çıxışçılar bu əlamətdar gün münasibətilə jurnalistləri təbik edib, işlərində uğurlar arzulayıblar.

Sonda Milli Mətbuat Günü və Qaradağ rayonun ictimai-siyasi həyatının işıqlandırılmasında xüsusi xidmətlərinə görə bir sıra media qurumlarına fəxri fərmanlar təqdim olunub.