Rusiya Prezidenti Vladimir Putinlə AFR kansleri Angela Merkel arasında telefon danışığı olub. Tərəflər Qarabağdakı vəziyyəti müzakirə ediblər.

LEQAL.AZ Kremlin mətbuat xidmətinə istinadla xəbər verir ki, tərəflər Azərbaycan, Rusiya və Ermənistan liderlərinin imzaladığı üçtərəfli Bəyanatda nəzərdə tutulan razılaşmanın ardıcıl icrasının regionda ümumi sabitliyə şərait yaradacağını vurğulayıblar.

Məlumatda deyilir: “Hərbi əməliyyatlar nəticəsində zərər çəkən əhalinin ümdə problemlərinin həllinin vacibliyi xüsusi qeyd edilib. Bununla bağlı ixtisaslaşdırılmış beynəlxalq strukturların Rusiya tərəfindən yaradılan Humanitar Müşahidə Mərkəzinin məşğul olduğu işə cəlb edilməsinin zəruriliyi vurğulanıb. Hər iki tərəf ATƏT-in Minsk qrupu çərçivəsində bundan sonrakı əməkdaşlığa hazır olduğunu bildirib”.(azərtac)