Serbiya Respublikasının Prezidenti Aleksandar Vuçiçdən Azərbaycan Respublikasının Prezidenti İlham Əliyevə təbrik məktubu gəlib.

Məktubda deyilir:

"Zati-aliləri.

İcazə verin, doğum gününüz münasibətilə Sizə ən səmimi təbriklərimi çatdırım, ali dövləti fəaliyyətinizdə uğurlar arzulayım. Dostluğumuzdan və Sizə uğurlar arzulamaq imkanından çox məmnunam.

Bir neçə gün əvvəl Sizin Bakıda mənə göstərdiyiniz qonaqpərvərliyi həm siyasi, həm də şəxsi təcrübə və bir çox mövzularla bağlı səmərəli fikir mübadiləsi baxımından məmnuniyyətlə xatırlayacağam. Serbiya Respublikası ilə Azərbaycan Respublikası arasında prinsipial qarşılıqlı dəstək əlaqələri həmişəkindən daha aydın şəkildə özünü göstərir və bu, məni çox sevindirir. Eyni zamanda, beynəlxalq hüquq normalarının tez-tez kobud şəkildə pozulmasına qarşı mübarizəyə daim hazır olan Sizin kimi uzaqgörən liderlə dostluğumla fəxr edirəm.

Əziz dostum, bir daha demək istəyirəm ki, Sizi Serbiyada görməyə həmişə şadıq. Tezliklə Sizi ölkəmizdə qarşılamağı, eləcə də Belqradda və Bakıda müəyyənləşdirdiyimiz vəzifələrin və layihələrin reallaşdırılması üçün görülən işləri ətraflı şəkildə nəzərdən keçirməyi səbirsizliklə gözləyirəm.

Zati-aliləri, xahiş edirəm Sizə ən səmimi arzularımı və yüksək ehtiramımı qəbul edin".