Nyu-Yorkda BMT Baş Assambleyasının 77-ci sessiyasının yüksək səviyyəli həftəsi çərçivəsində Azərbaycanın xarici işlər naziri Ceyhun Bayramov İsveç Krallığının xarici işlər naziri Ann Linde ilə görüşüb.

LEQAL.AZ xəbər verir ki, bu barədə Azərbaycanın XİN başçısı tviterdə yazıb.

“İsveçin xarici işlər naziri Ann Linde ilə görüşməkdən məmnunam. Ermənistan tərəfindən alovlandırılan eskalasiya barədə məlumat verdim və Azərbaycanın sülh yoluna sadiqliyini bir daha bildirdim. Azərbaycan-İsveç əməkdaşlığının genişləndirilməsi imkanlarını da müzakirə etdik”, - C.Bayramov qeyd edib.