Rusiyanın xarici işlər naziri Sergey Lavrov ABŞ-ın Rusiyaya qarşı növbəti sanksiyalarla bağlı xəbərdarlığına reaksiya verib.

“Leqal”  Rusiya mətbuatına istinadən xəbər verir ki, o, ABŞ hakimiyyətini dialoq mədəniyyətini itirməkdə ittiham edib.

"Bundan əvvəl də əvvəllər olmayan sanksiyalar var idi. Qərbli həmkarlarımız sadəcə olaraq dialoq mədəniyyətini, diplomatik danışıqlar və konsensus mədəniyyətini, maraqlar balansını kollektiv şəkildə axtarmaq qabiliyyətini tamamilə itiriblər. Demək olar ki, onların tələbi ilə dərhal sanksiyalar tətbiq olunur”, - Lavrov bildirib.

Rusiyalı nazir qeyd edib ki, əgər yeni sanksiyalar olarsa, buna reaksiya veriləcək:

“Necə deyərlər, cəhənnəm sanksiyaları gəlsə, təbii ki, reaksiya verəcəyik. Biz reaksiya verməyə bilmərik. Necə reaksiya verəcəyik? Bu qeyri-legitim birtərəfli təşəbbüslərin təşəbbüskarlarına qarşı çıxacağıq”.