Rusiyanın Şimali Osetiya-Alaniya Respublikasının paytaxtı Vladiqafqaz şəhərindəki super marketlərin birində partlayış olub.

LEQAL.AZ-ın məlumatına görə, partlayış nəticəsində insan tələfatı yoxdur.

Hadisənin ticarət obyektinin zirzəmisində qaz sızması səbəbindən baş verdiyi ehtimal olunur.

Super marketin binası tamamilə dağılıb.

Hadisə yerinə dərhal xilasedicilər və hüquq-mühafizə orqanlarının əməkdaşları cəlb olunublar.