“Lexus” markalı avtomobilin sürücüsünün motosikletçini döyməsi ətrafda olanların və sosial şəbəkə izləyicilərinin ciddi narazılığına səbəb olub.

Daxili İşlər Nazirliyinin mətbuat xidmətinin inspektoru, polis mayoru Anar Qafarov açıqlamasında yayılan görüntülərdən məlumatlı olduqlarını bildirib.

Onun sözlərinə görə, artıq yayılan görüntülərlə bağlı araşdırmalara başlanıb: "Hadisə araşdırıldıqdan sonra nəticəsi barədə ictimaiyyətə əlavə məlumat veriləcək".

Qeyd edək ki, "Lexus"un sürücüsünün Dadaşov Sultan Tofiq oğlu olduğu bildirilir.

21:41

Bakıda iki sürücü arasında baş vermiş insindet sosial şəbəkələrdə gündəm olub.

Hadisə paytaxtın Mətbuat dairəsi adlanan ərazisində baş verib.

Belə ki, “Lexus” markalı avtomobilin sahibi hərəkət zamanı onunla mübahisə edən motosikletin sürücüsünü döyüb.

Müvafiq görüntüləri motosikletin sürücüsü Murad Salman paylaşıb.

Görüntülərdən aydın olur ki, yolda hərəkət zamanı ona yol verməyən “Lexus” sürücüsünə reaksiya verən motosikletçi daha sonra avtomobildən enən şəxsin aqressiyası və fiziki təzyiqi ilə üz-üzə qalıb.