Dünyada koronavirusa yoluxanların sayı 280 milyonu, ölənlərin sayı isə 5,4 milyonu ötüb. Bu barədə Ümumdünya Səhiyyə Təşkilatı (ÜST) məlumat yayıb.

Bildirilib ki, dünyada 280 119 931 nəfər koronavirusa yoluxub, 5 403 662 nəfər isə bu xəstəlikdən vəfat edib.

Son sutkada yoluxanların sayı 455 944 nəfər, ölənlərin sayı isə 4 501 nəfər olub.

Yoluxma hallarının əksəriyyəti ABŞ-da qeydə alınıb - 51 775 769 nəfər. Növbəti yerlərdə Hindistan (34 799 691), Braziliya (22 239 436), Böyük Britaniya (12 209 995), Rusiya (10 437 152), Türkiyə (9 332 332), Fransa (8 896 253), Almaniya (7026 369), İran (6 186 729), İspaniya (5 932 627), İtaliya (5 678 112) və Argentina (5 460 042) qərarlaşıb.

Ən çox ölüm halları da ABŞ-da baş verib - 809 908 nəfər. Sonrakı sıralarda Braziliya (618 448), Hindistan (480 290), Rusiya (306 090), Meksika (298 777), Peru (202 524), Böyük Britaniya (148 003), İndoneziya (144 063), İtaliya (136 753), İran (131 434), Kolumbiya (129 761) və Fransa (120 326) gəlir.