Bir ildə ömürdən keçdi İlahi
İgidlər, oğullar, itirdi vətən.
Toyunu görmüyən gənc, oğulları
Torpağda gül kimi, bitirdi vətən.
İki oğul, vətənə verən ananın
Ürəyi həsrətdən dönübdür daşa.
Onların qəbrinə yağan yağışlar,
Bənzəyir ananın gözündə yaşa.
Ana var zəhmətlə, bir övladını,
Böyüdüb vətənə qurban veribdir.
Ana var dərdindən zinharə gəlib,
Dərd-kədər zamansız, qəddin əyibdir.
Gör neçə balanın gözləri yolda
Gözləyir nə vaxtsa, gələcək atam.
Hərdən düşündükcə, bu mənzərəni
Adam olduğunu, unudur adam.
Biz üç min can verdik, öz canımızdan
Nəhayət, qurtadıq biz bu bəladan.
Bir nəfər varmı ki, söyləsin mənə
Nə fərqi, Şuşanın Kərbübəladan ?
Müjdəsin alacaq, cənnətdə bir gün
Mütləqdir, şəhidlər ağam Hüseydən.
Başların əyməyib zillət önündə,
Dərs alıb, Şəhidlər imam Hüseyndən.
Müəllif: Tofiq Aslan