Binəqədidə avtomobildən oğurluq edən şəxs yaxalanıb.

Daxili İşlər Nazirliyinin mətbuat xidmətindən LEQAL.AZ-a verilən məlumata görə, dekabrın 28-nə keçən gecə rayon ərazisində “Khazar” markalı avtomobildən pul, sənədlər və bank kartı oğurlamaqda şübhəli bilinən İmişli rayon sakini, əvvəllər məhkum olunmuş Q.Kərimov Binəqədi Rayon Polis İdarəsinin 5-ci polis bölməsi və Əlahiddə Çevik Polis Alayı əməkdaşlarının keçirdikləri əməliyyat-axtarış tədbirləri nəticəsində saxlanılıb.

Faktla bağlı rayon polis idarəsində araşdırmalar aparılır.