Azərbaycanın İkinci Qarabağ müharibəsindəki şanlı qələbəsinin əsaslarını vaxtılə ulu öndər Heydər Əliyev böyük uzaqgörənliklə formalaşdırıb.

LEQAL.AZ xəbər verir ki, bunu Azərbaycanın Baş prokuroru Kamran Əliyev jurnalistlərə açıqlamasında deyib.

K.Əliyev bildirib ki, bu gün əldə etdiyimiz qələbəyə görə ümummilli lider Heydər Əliyevə bir daha minnətdarıq. Çünki onun siyasi, iqtisadi, ordu quruculuğu sahələrində həyata keçirdiyi bütün islahatlar, uzaqgörən xarici siyasəti hamısı bu məqsədə yönəlmişdi. Prezident İlham Əliyevin qeyd etdiyi kimi, bu gün Azərbaycanın qələbəsi üçün çox gözəl hüquqi baza, hüquqi zəmin yaradılmışdı. Bu hüquqi bazanın yaradılmasında Ulu Öndərin misilsiz xidmətləri olub. Bu gün Ümummilli Liderin ruhu şaddır. Allah ulu öndər Heydər Əliyevə rəhmət eləsin.